گل حسین قمچی یوران پیکری نیلی باجوام
عرش درد و محنون غملی سهیلی باجوام
قاره بختیمدن ئولن وقته گلیلی باجوام
رشت? عزت و اقبالیمی بختیم قیردی
آلدی قارداشلاریمی خوار ایلیوب سندیردی
گل حسین قمچی یوران پیکری نیلی باجوام
عرش درد و محنون غملی سهیلی باجوام
قاره بختیمدن ئولن وقته گلیلی باجوام
رشت? عزت و اقبالیمی بختیم قیردی
آلدی قارداشلاریمی خوار ایلیوب سندیردی
من سنون گوزلری یوللاردا قالان زینبوم
قتلگهده سنـی اللـردن آلان زینبوم
من سنون کرب و بلاده قوجالان زینبوم
تیغ آهیلـه یانـان قلبـی پیاپـی بولورم
هارداسان قارداش حسین ایندی آدامسیز ئولورم
روزگارین دئمه قارداش ایشی منله چوخوموش
سر نوشتین قلمـی قلبیمه بیر گون اوخوموش
هئچ اولدن ایله بیل قارداشیم اصلاً یوخوموش
یّدی قارداش آدین ازبر ایلیوب هی دیورم
یّدی سندن بیری گلمور نقدر گوزلیورم
آز قالـور سایـه گلـه اشکی روان گوزلریمه
گجه تک ظلمت اولوب ایندی زمان گوزلریمه
کسیلن پنجوی گل قوی نگـران گوزلریمه
گوزلـریم قوی کسیلن اللریلـن باغلانسون
گوزلرون یوم یوزومه باخما اورک داغلانسون
سندن اوزگه باشیم اوسته نه گلن ایستیورم
نه سرین یر گزورم من نه وطن ایستیورم
دیورم گل ولی فکر ایتمه کفن ایستیورم
جان یتوب سینمه قارداش وطنی نیلیورم
گوگلوم ایستور سنی والله کفنی نیلیورم
ره عشقونده سنـون عمر بوئی جان قویدوم
سنـه نسبت بلـورم خدمـته نقصـان قویدوم
یولا دوشدوم قولی باغلی سنی عریان قویدوم
آغلارام پیکروی قویدولا من سیز قبره
آی کفنسیز منی دفن ایله کفنسیز قبره
کاش نسیم ئوز جهتین دوندره اول غملی یره
باخـوب احوالیمـه رحـم ایلیـه الله گوره
قلبیمـون غصـه لـرین محضـر یـاره یتـوره
بلکـه احوالیمـه آگاه دگلسون هله سن
حالیمه آگه اولوب باشیمون اوسته گله سن
غـربـانین ئـورگـی سنسـا مگـر آلمازلار؟
جان ویرنده باشی اوستنده گلوب قالمازلار؟
یّدی قارداش باجسین یاده مگرسالمازلار؟
بلـورم دوزدی بیـر آز فاصله میـز چوخدی حسین
یول مگر سو یولی تک باغلیدی یول یوخدی حسین؟
مرغ روحی یورولان سینه قفس مثلی سخور
کهنه دیـوار? عمری گوزومون یاشی یخور
جان یتوب سینیه قلبیم سنه خاطر داریخور
دئمـورم عرشـه دگـن باشـوه عّـزت تاجوام
سن ئوزون یاخچی بیلورسن که حسینچی باجوام
سنیلـن بـدو تـولـدن حسین هـم نفسم
ایندی بیر قوش کیمی زندانی کنج قفسم
کجه گوندوز سسی غملی اوجالان بیر جرسم
ایدورم ناله سزلتیم سسی کم کم یاییلور
نالمـه قبـریده مظلـومه رقیـه آییلور
باخورام حسرتیلن گوز دولوسی یوللاره
چوخ سوزوم وارولی یوخ طاقت حسین گفتاره
کیپریگیم آدوی اشگیلـه یازوب رخساره
گوز یاشیم آدوی گه یوزده پوزار گاه یازار
بی کسم کیمه کفن ایلر منه کیم قبر قازار
باشیم اوسته گلنیم اولمادی خواراولدوم حسین
قلبیدن غملی بلوطلار مثلی دولدوم حسین
باغبان سیز گله بنذر سارالوب سولدوم حسین
منی گوزدن نه گناه اوسته سالوبسان قارداش
گون ایوینده ئولورم هاردا قالوبسان قارداش
